गणपती बाप्पा घरी आणतो तेव्हा झाकून का आणतो…

25 August 2025, 01:30 PM | टीम पुणे गणपती

गणपती बाप्पा जेव्हा आपण घरी आणतो तेव्हा तो झाकून आणतो. मात्र, ही प्रथा का आहे याचा तुम्हाला कधी प्रश्न पडला आहे का? नसेल तर याच संदर्भात अधिक माहिती जाणून घेऊयात. धार्मिक परंपरेनुसार, मूर्तीचा पुढील भाग सगुण तत्त्व म्हणजेच भौतिक स्वरुपाचा असतो. आणि मागील भाग निर्गुण तत्त्व म्हणजेच अभौतिक तत्व उत्सर्जित करतो.

गणपती बाप्पाची मूर्ती झाकल्याने हे दोन्ही तत्त्व संतुलित राहतात अशी मान्यता आहे. गणपती बाप्पाची प्राणप्रतिष्ठा पूर्ण झाल्यानंतर मूर्तीमधील दैवत्त्व पूर्णत्वास येते असे म्हटले जाते. शिवाय, बाहेरील धूळ, वारा, पाऊस अशा घटकांपासून मूर्तीचं संरक्षण करता येते. मुख्य कारण म्हणजे, प्राणप्रतिष्ठापना पूर्ण झाल्यानंतर मूर्तीला नकारात्मक ऊर्जेपासून बचवा करण्यासाठी मूर्ती झाकून ठेवण्याची प्रथा आहे.

शास्त्रानुसार, तुम्ही यंदाच्या गणेशोत्सवाला गणपतीची स्थापना करणार असाल तर, शाडूची मूर्ती घरात आणा. तसेच, गणरायाची सोंड डाव्या बाजूला असावी. तसेच, मूर्ती विराजमान अवस्थेत असावी. तसेच, गणपतीच्या बरोबर उंदीरमामा देखील असावा. तसेच, गणपतीची मूर्ती स्थापन केल्यानंतर एक गोष्ट लक्षात ठेवा की, मूर्तीची जागा जागेवरुन हलवू नका. एकदा मूर्ती विराजमान केल्यानंतर थेट विसर्जनाच्या दिवशीच तुम्ही मूर्ती हलवू शकता.